بلدي نيوز - (أحمد العلي)
كشفت الأمطار والسيول التي اجتاحت شوارع العاصمة دمشق، ليلة الأحد/الاثنين، عجز النظام عن مواجهتها، حيث باتت شوارع دمشق بحيرات تغمرها المياه.
وسخر رواد صفحات التواصل الاجتماعي، من نظام الأسد، بعد تداول أخبار وصور الطوفان الذي اجتاح أنفاق وشوارع دمشق.
وتعقيبا على خبر منشور على صفحة "يوميات قذيفة هاون في دمشق"، بعنوان "طوفان عدد من شوارع العاصمة دمشق بالتزامن مع هطول أمطار غزيرة على العاصمة دمشق هذه اللحظات"، علق "sami stark"، قائلا "ولك يقطع عمر البلديات مو شاطرة غير تاخذ ضرايب من العالم وكل سنة بتوقع العالم بنفس المشكلة وماعم يظبطو شي عوجا".
وقال "Alla Abdulla"، "الله حيو فكرت لح تكون المجاري شغالة وعامليلها صيانة وما رح يصير هيك، عشتو والله ما خيبتو ظن المواطنين فيكن".
وعلق "mohanad gh"، قائلا "عادي جداً بكرا شي مسوؤل بيصرح انو الشتوية إجت فجاة وما كنا عاملين حسابها هي السنة... وبتمرق".
وعلقت "yasmin shehab"، "يخزي العين من أول مطرة طافت الشوارع هوي المطر أجا بكير هالسنة يعني عادة بتبلش تمطر بأول نيسان بعرف انتو مو متوقعين"، لترد "Alla alkadi"، بالقول "لسى ما اجت الشتوية وعلى مطرة وحدة وطافت هالبلد.. ما عرفوا يشتغلوا بهالصيفية شغلة ل الله ويزبطوا الطرقات والريغارات اللي وجودها متل عدمو متل الخلق.. بس كانوا لاهيين حالهن ووقتهن بخلق ازمات الخبز والبانزين والغلا والحرايق والخ الخ الخ من مصايب".
الجدير بالذكر أن مشهد غرق شوارع العاصمة السورية دمشق وتحولها إلى أنهار وجداول يتكرر في كل شتاء، حيث تغرق الأحياء السكنية والشوارع وتتهدد حياة الناس ويلحق الضرر بممتلكاتهم، رغم تحذير التقارير الإعلامية والناشطين من تكرار مأساة السيول تقف الجهات المسؤولة في نظام الأسد عاجزة عن إيجاد الحلول.
